ရီချိုငါး

ဆားငံရီမှာ
အသက်ရှင်မရပ်တည်နိုင်ကေလေ့......၊

လပြည့်လကွယ် ဖြားတက်ချိန်
မြူးတူးပျော်ပါး အ၀ဆိုက်တေငါး
ဖြားရနံ့ကို သူချစ်၊ သူကြစ်တေ
ဆားဓါတ်လေ့ သူလိုအပ်တေ.......။

-------------------
ခိုင်မြသိန်း (ချောင်းသာကြီး)
၁၂၊ ၀၃၊ ၂၀၁၅

တခွန်းချေနှုတ်ဆက်ခကေ

တရက်တာ မမြင်မတွိရလို့
ဆယ်ကမ္ဘာဝီးလားရေပိုင် ခံစားနီရရေချိန်မှာ
တခါတခေါက် အွင်လိုင်ရောက်လာကေ
စကားချေတခွန်း ပူပူနွီးနွီး ပြောခပလင်
ကျန်းကြောင်းမာကြောင်း သတိရနီကြောင်းကို.....

ဒေလူမှာ
သူ့မျက်နှာချေတခေါက် မြင်ရဖို့လား
အိမ်ကိုလားလို့ တန်းခါးခေါက်တေ
တခါခေါက်လေ့ အသံမကြား
နှစ်ခါခေါက်လေ့ လူသံမကြား
ဇာကိုလားလို့ ဇာရောက်နီလေ
မျှော်သူရင်ညောင်းရေ.......။

----------
ခိုင်မြသိန်း (ချောင်းသာကြီး)
၂၀၁၅၊ ၀၃၊ ၀၆

နှစ်ကိုယ်ကြားက

ငါရို့နှစ်ယောက်ကြားမှာ လွမ်းလျှက်နွမ်းနီရရေ
နှလုံးသားတစုံ ဟိနီရေ.....၊

ငါရို့နှစ်ယောက်ကြားမှာ စိုးရိမ်ကြောင်းကြ
အိပ်မရရေညာဥ့်ချေတိ ဟိနီရေ.....၊
ငါရို့နှစ်ယောက်ကြားမှာ စိတ်ချင်းဆက်သွယ်နီရေ
ဥဏှောက်တစုံ ဟိနီရေ.....၊

သူ့စကား

စကားတခွန်း ပျားရည်ဆမ်းသို့
ပီတိအဟာရ စားမျိုချသော်
နှလုံးစိတ်ရွှင် ကိုယ့်ဘ၀င်မှာ
မိတ္တာစွမ်းအား တဖွားဖွား
´´.........................´´
တခွန်းစကား ကြားယောင်မိရေ....။

ခိုင်မြသိန်း (ချောင်းသာကြီး)
၈. ၀၂. ၂၀၁၅