အာသီသ

ရနံ့တိ မကုန်ခန်းသ်ိမ့်ဆိုကေ
အသံတိတ်လားရေ အေနှခမ်း
တခွန်းလောက် ပြန်ပြောခပလင်
နားထောင်ချင်လို့ရာ.......။

ခိုင်မြသိန်း (ချောင်းသာကြီး)
27. 02.2014

ဂန္တာရရင်ဖတ်

မျက်ရည်တစက်သည်
သမုဒ္ဒရာသီတာရီတမျှဆိုကေ
မျက်ရည်စက်ပေါင်း သိန်းသန်းဂဋေဂဋာ
ဤစက္ကြာဝဠာကြီးကို ရီလွှမ်းမိုးလားနိုင်ရေ...။

ယင်းပမာထုထည် ရီပြင်ကျယ်ကြီး
အငြိုးကြီးစွာ ရွာသွန်းချလိုက်ကေလေ့
စိုးရိမ်သောက ပူမီးထနီရေ ဒေရင်ဖတ်ထဲမှာ
အငွေ့ပျောက် ခမ်းခြောက်လားနိုင်ရေ.....။

ခိုင်မြသိန်း (ချောင်းသာကြီး)
၁၆၊ ၀၂၊ ၂၀၁၄
Glada Hudik

ဆားမမြည်းချင်

ဘ၀သီအိပ်မောကျနီရေ နှုလုံးသားကို
လှုပ်နှိုးဖြစ်ကေ နိုးအောင်နှိုးခ
အိပ်ရီးပျက်မျက်ရည်ပူတိ
နှုတ်ခွမ်းဖျားမှာ မတင်လီရအောင်.......။

အမှန်ချစ်တေဆိုကေ
ဇာဘ၀နန့်ပင် လာလာ
အေရင်ခွင်မှာ တသက်လုံးခိုလှုံခွင့် ပီးမေ....
တယုတယ စိတ်တိုင်းကျအောင်လေ့ ချစ်ပီးမေ.....
ယေကေလေ့
မျက်ရည်ပူကို ဆားမြည်းဖို့ မခိုင်းလီကဲ့နန်း.....
မျက်ရည်ပူတိက ဆားငံလွန်းလို့ပါ ချစ်သူ.................။

ခိုင်မြသိန်း (ချောင်းသာကြီး)
၂၃၊ ၀၁၊ ၂၀၁၄
Glada Hudik

အသိဆုံးသူ

ဇတ်ကြမ်းမင်းသားအဖြစ်
သမုတ်ခံရကေလေ့
ဒသဂီရိနှစ်လုံးသား
ဇာလောက် နုညံ့လေ
ဇာလောက် ယုယတတ်လေ
ဇာလောက် ကြင်နာတတ်လေ
ဇာလောက် စိတ်ရှည်သည်းခံတတ်လေ
ဇာလောက် ချစ်တတ်လေ
ဇာလောက် သဘောထားကြီးနားလည်မှုပီးစွမ်းနိုင်လေ
ဇာလောက် အနစ်နာခံပီးဆပ်နိုင်လေ ဆိုစွာ
မေသီတာရာ အသိဆုံး..............။

ခိုင်မြသိန်း (ချောင်းသာကြီး)
၁၈၊ ၀၁၊ ၂၀၁၄

နင်ထွက်လားရေခါ

အမှောင်ထုကြီးထဲမှာ
လမင်းကြီးနန့်ကြယ်တာယာ
ပေါင်းဖက်လို့ ရွာတည်ရာဒေသ
ဂေါင်းခင်ကြီးကိုကြည့်လို့
နင့်ကို လွမ်းရေ..........။

မိုးတိမ်ပြာတိဖုံး
ပျောက်ဆုံးနီရေ
လမင်းကြီးနန့်ကြယ်တာယာ
မပေါ်လာလို့ တယောက်တည်း
ဂေါင်းခင်ကြီးကိုကြည့်ယင်း
နင့်ကို လွမ်းရေ.......။

Internet-Skype
လိုင်းမကောင်းလို့ ပုန်းကွယ်နီရေ
ပြုံးပျော်ရွှင်အလှ နင့်မျက်နှာက
အကြင်နာမျက်ဝန်းတိကို လွမ်းရေ.....။

Connection မကောင်းလို့ နောက်ဆုတ်လားရေ
နားဝင်ချိုမြ နင့်နှုတ်ခမ်းဖျားက
ထွက်ကျလာရေ စကားသံတိကို
လွမ်းကျန်နီခရရေ........။

ခိုင်မြသိန်း (ချောင်းသာကြီး)
၁၁၊ ၀၁၊ ၂၀၁၄

စောင်နီရေ

ငါ၏အသည်းတပုံ
နွမ်းလျက်ခြွီကျ မြီခလားကေလေ့
ချစ်တေချစ်စိတ်က တခါလေ့မလျော့
ဇာဘ၀နန့်ပင်လာလာ
ရင်ဖွင့်လို့ကြိုနီမေ...။

ခိုင်မြသိန်း (ချောင်းသာကြီး)
၉၊ ၀၁၊ ၂၀၁၄

အိပ်တမ်းတက်ပါကိုယ့်ရင်ခွင်မှာ

ဇာလောက်ချစ်လေ မမီးကဲ့
မင်းမျက်နှာပြင် လခြမ်းမြီချေပိုင်လှရေ
မင်းနှစ်လုံးသား ကိုကိုယ့်လူမျိုးပိုင် ဖြူစင်ရေ
မင်းကျရေမျက်ရည်လေ့လေ ကိုကိုယ့်လူမျိုးအသွီးအသား
မင်းကိုလေ မင်းကို
တိုင်းပြည်နန့်လူမျိုးလောက် ချစ်တေ
လူမျိုးနန့်တိုင်ပြည်ကိုလေ့လေ
မင်းကိုလောက် ချစ်တေ..........။

လာ........
ကိုယ့်ရင်ခွင်မှာ ခိုဝင်ခိုနား
အရွေ့စာသားတိနန့် လျော့သိပ်ပီးမေ
အိပ်မောမကျခင် ဇာမရီငှက်ချေတိ
ပျော်မြူးလီကတ်အောင်..........။

လာ...........
ကိုယ့်ရင်ခွင်မှာ ခိုဝင်ခိုနား
အလင်္ကာ၊ ကဗျာစာသားတိနန့် လျော့သိပ်ပီးမေ
ဇာမရီငှက်ချေတိကို မွီးဖွားစောင့်ယှောက်
တောင်စုံးပေါက်လို့ ကြီးပြင်းထွက်လားလီကတ်အောင်..........။

ခိုင်မြသိန်း (ချောင်းသာကြီး)
၀၆၊ ၀၁၊ ၂၀၁၄
Glada Hudik