Saturday, March 1, 2014

အိပ်တမ်းတက်ပါကိုယ့်ရင်ခွင်မှာ

ဇာလောက်ချစ်လေ မမီးကဲ့
မင်းမျက်နှာပြင် လခြမ်းမြီချေပိုင်လှရေ
မင်းနှစ်လုံးသား ကိုကိုယ့်လူမျိုးပိုင် ဖြူစင်ရေ
မင်းကျရေမျက်ရည်လေ့လေ ကိုကိုယ့်လူမျိုးအသွီးအသား
မင်းကိုလေ မင်းကို
တိုင်းပြည်နန့်လူမျိုးလောက် ချစ်တေ
လူမျိုးနန့်တိုင်ပြည်ကိုလေ့လေ
မင်းကိုလောက် ချစ်တေ..........။

လာ........
ကိုယ့်ရင်ခွင်မှာ ခိုဝင်ခိုနား
အရွေ့စာသားတိနန့် လျော့သိပ်ပီးမေ
အိပ်မောမကျခင် ဇာမရီငှက်ချေတိ
ပျော်မြူးလီကတ်အောင်..........။

လာ...........
ကိုယ့်ရင်ခွင်မှာ ခိုဝင်ခိုနား
အလင်္ကာ၊ ကဗျာစာသားတိနန့် လျော့သိပ်ပီးမေ
ဇာမရီငှက်ချေတိကို မွီးဖွားစောင့်ယှောက်
တောင်စုံးပေါက်လို့ ကြီးပြင်းထွက်လားလီကတ်အောင်..........။

ခိုင်မြသိန်း (ချောင်းသာကြီး)
၀၆၊ ၀၁၊ ၂၀၁၄
Glada Hudik
Posted by at

No comments:

Post a Comment

Subscribe to: Post Comments (Atom)